Ni-adton Hunyo 1992, didto sa Banez Ville II, Fatima Village syudad sa Tacloban,Leyte, Philippines natukod ang usa ka balay nga hinimo ug kahoy nga hinatag sa Diyos para sa among pamilya pina-agi sa mga higugmaong katawhan sa Ginoo sa Bells Yew Green Chapel Kauban ni Pastor Arthur ug Mary Rivers, ug uban pang mahinatagon nga mga katawhan sama nila Peter ug Jackie Goodes ug ni Hittie, usa ka halap nga babaye nga nag-tigum sa mga sinsilyo ug iya gi-padala dinhi kanamo pina-agi sa mga Rivers. Ug may uban pang mga tawo nga nag-sakripisyo sa pag-hatag aron matagbo ang amon dako nga pag-kinahanglan sa usa ka puloy-anan.

Nag-pasalamat kami sa Ginoo niadtong bililhon nga balay nga kahoy kami nakapuyo nga malipayon ni-ining balaya nga walay problema sulod sa lima ka tuig. Kini among napuy-an sulod sa napulo ka tuig pero mintras nagdalagan ang panahon ang mga silingan nga Barangay nahimong Housing Subdivision ug didto nagsugud ang among problema sa baha. Tungod sa taas nga pagtambak sa ilang abunong yuta ang among lugar nahimong ubus na kaayo ug mao kini ang hinungdan sa kanunay nga pagbaha. Muabot ug subra sa usa ka bulan una pa muhubas ang baha. Ang tanan hugaw ug basura adto magpundok sa among lugar ug maoy hinungdan sa daghang lamok, ug mga kagaw nga maoy hinungdan nga pirmi kaming masakit. Ang tubig sa baha usahay tagahawak ug musulod ngadto sa among balay ug tungod niini nagabok ang maong balay. Among gisalad sa Diyos ang among malisod ug maka-luluoy nga kahimtang. Nag-tuo kami nga siya andam ug makahimo sa pag-tagbo sa tanan namong panginahanglan.(Pilipos 4:19). Nag-ampo kami ug nangayo sa Diyos ug bag-o nga balay sa lugar nga dili na mabaha-an. Pina-agi sa pag-too kami nag-malipayon ug nagpasalamat sa Diyos bisan ug ang among balay naguba tungod sa baha tungod kay nasayud kami nga diha sa tanan butang nagbuhat ang Diyos alang sa kaayuhan niadtong tanan nga nahigugma Kaniya (Roma 8:28).

Usa ka adlaw niad-tong Marso 2001, ang Diyos nagpadala ug usa ka Ebanghilista gikan sa England nga si Tony Daly aron sa pag-wali sa iyang mga pulong sa among himo-on nga mga krusada ug didto sa mga bilanguan dinhi sa Pilipinas. Sa wala pa siya muabot among gi-andam ang lugar nga iya gi ka puy-an didto sa Don’s Cabin Didto sa hotel wala siya mahingatulog sa tibuok gabi-i tungod sa kasaba sa Videoke Bar diha sa tupad sa maong hotel. Kini maoy hinungdan nga sa pagkasunod adlaw siya napugos sa pag-gawas sa maong hotel ug didto na siya natulog sa among lugar. Kadto maoy usa ka maka-uulaw nga kasinati-an sa among bahin kay wala gayod kami lugar sa among balay nga among kapahigda-an niya, didto namo siya pahigda-a sa binayan nga balay sa among silingan niadtong gab-ihuna mibundak ang kusog nga ulan ug ning-baha. Samtang nagtan-aw siya sa among palibot nag-ingon siya sa iyang kaugalingon, “Ang Diyos nag-paanhi kanako dinhi nga may katuyuan” ug nag-ampo dayon siya sa pag-ingon “Ginoo unsa bay imong mahimo sa mga Lerion?” Ang Diyos nag-tandog sa iyang kasing-kasing sa paghatag sa iyang kwarta nga ipa-ayo unta sa iyang sakyanan. Gisugo kami niya pag-abli ug account sa bangko ug didto niya gibutang ang iya kwarta nga maoy sinugdanan sa Higher Ground Fund gikan adto ang Diyos nag-padayon ug pag-gamit ug mga tawo nga wala namo mailhi sa personal para sa katumanan sa gisaad sa Diyos pina-agi sa iyang mga pulong.

Sa wala pa kini mahitabo ang Diyos nag-dasig kanamo pina-agi sa iyang manga saad nga nasulat sa Bibliya nga Siya nag-andam ug mas ma-ayo nga balay para kanamo. Pina-agi sa pag-too among gisulat sa papel ang among panlantaw (Habakkuk 2:2-3). Mintras nag-hulat kami kun unsay himu-on sa Diyos sa katumanan niini, daghan usab kaayo nga mga pagsulay nga niabot kanamo aron sa pag-sukod sa among pag-salig ug pag-too sa Diyos. Tungod niadto kami nag-himo ug usa ka pag-ampo sama sa pag-ampo ni Propeta Habakkuk (Habakkuk 3:17-18). Among gipasukad ang among kinabuhi ug kalipay diha sa Diyos nga among kaluwasan. Muhatag man ang Diyos sa balay o dili para sa among pamilya kami mag-padayon sa pag-kamatinumanon diha sa pag-alagad kaniya. Hinuon nisamot ang among kadasig pina-agi sa pulong sa Diyos nga nag-ingon “Ang salapi Ako ug ang bulawan Ako nag-ingon ang Ginoo sa mga panon” ang bag-ong templo mas matahom pa unya kay sa daan ug pauswagon ko ug hatagan kog kalinaw ang akopng katawhan” nag-ingon ang Ginoo nga labing gamhanan. “Ang akong Espirito nga naa kaninyo, ug ang akong mga Pulong nga gipasulti ko ninyo dili gayud mawala diha sa inyong baba sa inyong mga anak ug mga apo sukad karon ug hangtud sa kahang-turan.” “Bangon…ug sidlak kay niabot na ang imong kahayag ug ang Himaya sa Ginoo misidlak na kanimo…mungadto kanimo ang tanan kaayuhan dala ang ilang bulawan ug plata aron sa pag-pasidungog sa Ginoo nga imong Diyos…kay gipasidunggan kaman niya. Kanunay bukas ang imong ganha-an…aron panad-on nganha kanimo ang bahandi sa kanasuran…nganlan ninyo ug Kaluwasan ang inyong mga kuta ug ang inyong mga ganhaan nganlan ninyo ug pagdayig.” (Isias 59:51 ngadto sa kapitulo 60:1;16-18). Kining balaya Nag-tindog nga pag-pamatuod ngadtoi sa kalibutan alang sa kahimayaan sa Diyos.

(Epeso 3:20). “Pangitaa ang kalipay diha sa Ginoo ug hatagan ka Niya sa imong gipangandoy. Itugyan sa Ginoo ang imong kinabuhi; salig kaniya ug mutabang siya kanimo.” (Psalmo 37:4-5).

Maayo kaayo ang pagpasalamat sa Diyos kay matinumanon Siya!

Unsa man ang gihimo sa Diyos ngadto sa uban, mahimo usab kini sa Diyos nga buhaton nganha kanimo, nganong dili man nimo siya suwayan!

Pastor William, Vianney ug Pa